Galmudug dhiig cusub bay rabtaa

Galmudug beelihii hore saddexda hoggaan ee sare soo qabtay, waa in wax laga beddelaa,

Tusaale Sacad oo madaxweyne ah

Mareexaan oo ku xigeen ah

Murursade oo Guddoomiye Baarlamaan ah

Halagu beddelo

Cayr oo Madaxweyne ah

Wacaysle oo ku xigeen ah

Duduble oo guddoomiye baarlamaan ah.

Qaar baa odhan doona saddexduba waa Hiraab xaq maaha,

Xaqdarra ka weyn miyaa jirta qof deegaankiisa la leeyahay madax kama noqon kartid.

Galmudug kooxdii hore, Toban sannadood waxa ay ku hayeen gawaan cidlo ah, waxa ayna ka dhigeen, Jabcad lagu tuugsado.

Hubaashi wax waa la qabtay meel

Wax laga bilaabona waa la keenay, balse saddex kama jiraan.

1. Amnin laysku halayn karo

2. Horumar la taaban karo

3. Hannaan dowli ah oo shaqeynaya.

Ninka haatan Madaxweynaha ah waxa uu afduubay hannaankii maamulka oo waxa uu ka dhigay Bakhaar uu isagu leeyahay oo wax walba in isaga loo daba fadhiisto ayuu ka dhigay.

Haddana waa nin caddaaladda iyo dad isku wadkuu sheegtay ka fog.

Anigu waxa aan qabaa in Xildhibaannada lagu soo doorto deegaamadooda, maxaa yeelay Degmada Ceelbuur maahine inta kale waa xor oo Alshabaab ma joogo.

Goob kasta oo xildhibaanno deegaankaa ahi ku tartamayaan ciidan ilaalin karaa waa joogaa.

Yaan la eersan maamul ee qolo weliba ninkay iyadu rabto ha keensato, golaha deegaanka degmada sidaa halagu doorto, degmooyinka la wada degona guddi doorasho oo dhexdhexaad ah haloo sameeyo.

Galmudug buuq iyo yabaq uma baahna ee dadkii dhaaqaajin lahaa maanta haloo dooro.

Uma baahna wadaad xagjir ah

Hoggaamiye kooxeed

Horjooge fadhiid ah

Ganacsade danayste ah

Ma gudbe talo xume ah

Wax ay u baahan tahay

Guddoonshe talo wacan

Hoggaanshe hufan

Hawlqabad dhab ah

Horseed nabad iyo horumar.