Warar hordhac ah oo laga helayo duulaan qorsheysan oo ee si wada jir ah uqaadeen ciidamada dowlada Soomaliya iyo ciidamo kale oo taageerayo ayaa lagu dilay in kabadan sodon ciidan Alshabaab ah kuwaasi oo lagu dilay deegaanka Baqdaad iyo Baldooska oo hoos taga degmada Afgooye ee gobolka Shabeellaha Hoose.
Howlgalkaani ayaa yimid sida lasheegay kadib marka dhanka dowlada ee heshay xogta laxiriirto ciidamada katirsan Alshabaab.
Dhanka kale Ciidanka Qaranka iyo geesiyaasha dadka deegaanka oo iskaashanaya ayaa maalmihii ugu danbeeyay Alshabaab ka sifeeyay deegaanno dhowr ah oo ku yaala dhanka xeebta Muqdisho ilaa iyo magaalada Marka iyo tuulooyin kale oo ka tirsan Shabeellaha Hoose oo si dhuumaalaysi ah Khawaarijtu isku dayayeen inay u soo galaan.
Dhanka kale dowlada ayaa uga mahadcelisay dhinacyadi kaqeyb qaatay howlgalkaani,
Ilaa iyo hada majiro war si rasmi ah uga soo baxay Alshabaab oo la xiriiro dhacdadaani.
