Aabbe ayaa gabadhiisa ugu hambaliyeeyay in ay qalinjebisay. Waxa uuna kedis uga dhigay haddiyad baabuur uu muddo ka hor u iibiyay, isaga oo kula taliyay in ay horta tagto xarunta gawaarida lagu iibiyo (car dealer) si ay u ogaato qiimaha gaariga ay heshay.
Markii ay meesha tagtay waxaa gaariga loogu soo sheegay inuu joogo 10 kun dollar.
Aabaheedna waxa uu mar kale kula taliyay inay tagto goob iibka celiska ama rahanta lagu kala qaato (pawn shop), halkaas oo loogu soo sheegay in gaariga laga siinayo kun dollar, maadaama uusan nooc fiican ahayn.
Mar saddexaad ayuu aabbaha soo jeediyay in ay gabadhu u tagto naadi ay ku kulansan yihiin dadka khubarada ah ee sida weyn u xiiseeya gawaarida (passionate car club). Waxa ay u geysay gaarigii, waxaana lala tacajabay quruxdiisa. Waxaa loo sheegay in uu yahay gaari aanan asagoo kale mar kasta la arkin. Qiimihiisana waxaa loogu qiyaasay illaa boqol kun oo dollar.
Gabadhii markii ay xogta ula soo laabatay guriga, waxa uu aabbaheed u sheegay in ujeedka uu meelaha kala duwan ugu diray ay ahayd in ay soo ogaato in qiimaha runta ah ee uu qofku leeyahay la ogaanayo marka uu tago booskii saxda ahaa ee uu u qalmay.
Dadka qaar ayaa marka aad u tagto waxaa macquula in ay qiimahaaga hoos u dhigaan. Waxba ha xanaaqin. Hana niyadjabin. Taas waxay ka dhigan tahay in aad timid meel qaldan oo aad la joogto dad aanan kuwii laguugu talogalay ahayn.
Marnaba waqti ha isaga lumin joogista meel uusan qofna qiimahaaga saxda ah arki karin. Adiga garo qiimahaaga iyo halka aad qiimo ku leedahay.
Waa sheeko aan soo tarjumay, Maxamed Dhaaley
