Hoogaamiyaha Labour-ka oo isna codkiisa dhiibtay
XIGASHADA SAWIRKA,PA MEDIA
Hogaamiyaha xisbiga Labour-ka ama Shaqaalaha. Sir Keir Starmer ayaa gaadhay goobta lagu magacaabo Willingham Tenants Hall ee magaalada London si uu codkiisa ugu dhiibto, xilli ay wada socdeen xaaskiisa Victoria.
-
Rishi Sunak oo codkiisa dhiibtay
XIGASHADA SAWIRKA,PA
Raysal wasaaraha UK Rishi Sunak, ayaa hadda codkiisii ka dhiibtay Koonfurta Yorkshire, isaga iyo xaaskiisa Akshata Murty ayaa la arkayey iyaga oo ku sii socda goobta cod bixinta.
-
Doorashadii UK oo saaka bilaabatay xilli dadku ku qulqulayaan goobaha cod bixinta
XIGASHADA SAWIRKA,REUTERS
Ka dib olole doorasho oo lix todobaad socday, dadka reer ayaa intooda go’aansataa codayn doontaa, xilli goobaha codbixintu guud ahaan furan yihiin dalkaas.
Malaayiin reer UK ah ayaa awoodi doona in ay doortaan xildhibaanadooda cusub 40,000 oo goob codbixineed oo ku kala baahsan England, Scotland, Wales iyo Northern Ireland.
Xusuusnow, haddii aad ku sugan tahay UK oo ay tahay markii ugu horeysay ee doorashada guud dalkaas, haddii aad shakhsi ahaan u dhiibanayso codkaaga waxaad u baahan doontaa inaad keento aqoonsigaa oo sawir leh.
Codbixintu waxay u furnaan doontaa ilaa 22:00 BST – ka dibna tirinta waxay bilaaban doontaa isla markiiba.
BBC, waxa ay tebin doontaa oo keliya doorashada guud iyo halka wax marayaan, kama hadli doonno ololaha xisbiyada iyo waxyaalaha la mid ka ah.
Goobaha codbixiinta sida loogu qulqulayo, cimillada guud iyo waxyaalaha kale ee gobolka ka jira, sida qof haddii uu qaniino ey oo kale ayaannu tebin doonnaa.
